Cau'r bwlch cyllidebol.

Dyma'r opsiynau sydd gan y cyngor i gau'r bwlch hwn:

lleihau costau / cynyddu incwm
defnyddio arian wrth gefn
cynyddu Treth y Cyngor

Mae lleihau costau wrth ddiogelu gwasanaethau yn dod yn anoddach bob blwyddyn. Mae'r cyngor wedi wynebu gostyngiadau mewn lefelau cyllid dros fwy na deng mlynedd gyda thua £100m o doriadau yn y gyllideb refeniw ers hynny.

Dros y flwyddyn ddiwethaf, mae swyddogion wedi gweithio'n galed eto i nodi cynigion arbedion ac incwm. Yr haf diwethaf, yng nghamau cynnar ein gwaith ar y broses gyllidebu, buom yn siarad â phobl fel rhan o’n Hymgyrch Dewch i Siarad am yr hyn sy’n bwysig iddyn nhw. Ac, ym mis Rhagfyr, dechreuodd ymgynghoriad ffurfiol ar y gyllideb ddrafft pan roddodd mwy na 550 o bobl adborth inni a gafodd ei ystyried yn ofalus wrth ddatblygu cynigion y gyllideb derfynol.

Yn ogystal, cynhaliwyd ymgynghoriadau ar wahân ar gynigion penodol.

Gwnaethom wrando'n astud ar farn pobl a gwneud nifer o ddiwygiadau i'r cynigion cyllidebol:

ni fydd terfynu cytundebau trwydded a hawliau mynediad cyhoeddus ar rannau uchaf ac isaf Camlas Castell-nedd yn dod i ben
yn dilyn adborth na fyddai’r rhan fwyaf o bobl yn cytuno â diffodd goleuadau stryd, byddwn nawr yn argymell pylu’r rhain yn hytrach na’u diffodd
bydd cynnig arall sy’n ymwneud ag adennill costau gan ysgolion ar gyfer rhai gwasanaethau’r cyngor megis glanhau, yn awr yn cael ei ddiwygio i leihau’r effaith ar ysgolion cymaint â phosibl

Roedd cytundeb eang y dylid defnyddio cronfeydd wrth gefn penodol i ariannu costau gwasanaethau cymdeithasol gyda'r bwriad o weithredu mesurau arbed costau tymor hir.

Cau'r bwlch mewn niferoedd

Mae'r bwlch o £30.1m yn y gyllideb wedi cael ei leihau i £6.7m drwy:

cyllid ychwanegol gan Lywodraeth Cymru - £8.6m
cyfraniad o'r cronfeydd wrth gefn - £6m
arbedion - £6.6m
cynigion cynhyrchu incwm - £2.2m

Bydd angen ariannu'r bwlch hwn o £6.7m drwy'r Dreth Gyngor.

Dysgwch fwy am eich Treth Gyngor a sut mae'n cael ei wario yn helpu i ariannu gwasanaethau yng Nghastell-nedd Port Talbot.