Trwydded Berfformio i Blant/ Trwydded y Gwarchodwr

Trwydded Berfformio i Blant

Mae trwyddedau perfformiad yn ddarostyngedig i ddeddfwriaeth - Rheoliadau Plant (Perfformiad a Gweithgareddau) (Cymru) 2015

Yn ôl y ddeddfwriaeth hon, mae'n ofynnol i'r holl blant, o fabanod nes eu bod yn hyn nag oed ysgol gorfodol, gael eu trwyddedu gan yr Awdurdod Addysg Lleol lle maent yn byw, i gymryd rhan mewn perfformiad.

Gellir dod o hyd i ragor o wybodaeth am Drwyddedau Perfformiad ar wefan Llywodraeth Cymru.

Mae angen dychwelyd ffurflenni wedi'u llenwi i:

Tim Cefnogi Ysgolion a Theuluoedd, Canolfan Ddinesig, Port Talbot, SA13 1PJ

Cymeradwyaeth Corff o Bersonau (CCB)

 Mewn rhai achosion, gall trefnydd ymgeisio am Gymeradwyaeth Corff o Bersonau (CCB) gan yr awdurdod lleol lle cynhelir eu perfformiad(au). Mae CCB yn cynnwys yr holl blant ar unwaith felly nid oes angen trwyddedau unigol.

Dyma'r gofynion allweddol:

• Nid yw plant yn derbyn unrhyw dâl ac nid oes unrhyw un arall yn derbyn tâl er mwyn i'r plentyn gymryd rhan.
• Nid oes angen i blant dreulio amser i ffwrdd o'r ysgol ar gyfer yr ymarferion neu'r perfformiad
• Mae'n rhaid i'r sefydliad ddangos bod ganddo systemau cadarn ac effeithiol i ddiogelu plant yn ystod ymarferion a pherfformiadau.

Os na chaiff y gofynion hyn eu bodloni, bydd angen trwyddedi unigol.

Gall awdurdod osod amodau sy'n sicrhau lles y plant a gall ddiddymu cymeradwyaeth os nad yw'r rhain yn cael eu bodloni.

Trwydded y Gwarchodwr

Mae Gwarchodwr yn berson a drwyddedir i ofalu am blentyn neu blant sy'n gweithio yn y byd adloniant. Bydd Gwarchodwr yn sicrhau nad yw unrhyw blentyn neu blant dan ei ofal yn gweithio gormod o oriau heb seibiannau cywir, bod addysg yn cael ei darparu mewn rhai amgylchiadau ac y gofelir am ddiogelwch, cysur a lles y plentyn/plant.

Mae'n ofyniad cyfreithiol, pryd bynnag y mae plant o oed ysgol gorfodol yn cymryd rhan mewn perfformiad neu adloniant cyhoeddus dan drwydded a roddir gan yr Awdurdod Addysg Lleol, mae'n rhaid iddynt gael eu goruchwylio ar bob adeg, oni bai eu bod dan oruchwyliaeth uniongyrchol rhiant neu diwtor cytunedig.

Mae rhagor o wybodaeth mewn perthynas â Gwarchodwyr wedi'i gynnwys yn y ddogfen Canllawiau Llywodraeth Cymru 'Cadw Perfformwyr Ifanc yn Ddiogel', isod.

Sut mae cofrestru fel Hebryngwr?

Mae gan unrhyw berson dros 18 mlwydd oed yr hawl i wneud cais i ddod yn Hebryngwr Trwyddedig i'r Awdurdod Lleol.
Er mwyn gwneud hyn mae rhaid cydymffurfio â'r meini prawf canlynol:

• Cyflwyno ‘Ffurflen Gais Trwydded Hebryngwr' wedi'i chwblhau'n llawn
• Os yw'r hebryngwr yn wirfoddolwr (hy nid yw'n cael ei dalu am ddyletswyddau hebrwng) yna rhaid cwblhau'r ffurflen 'Datganiad Gwirfoddoli'
• Ymgymryd â chwblhau cais ar-lein am 'Dystysgrif Datganiad Uwch'
• Darparu dogfennau adnabod penodol
• Darparu dau ffotograff maint pasbort diweddar
• Cyflwyno dau gyfeirnod boddhaol
• Presenoldeb mewn sesiwn hyfforddi hebryngwyr gan yr awdurdod (Cynhelir sesiynau hyfforddiant unwaith bob chwarter; darperir manylion pan fyddwch yn cyflwyno cais)
• Ymwybyddiaeth o'r ddeddfwriaeth berthnasol
• Ymwybyddiaeth o amddiffyn plant
• Presenoldeb mewn cyfweliad â Swyddog Trwyddedu Plant Castell-nedd Port Talbot

I'r rhai sydd am gyflwyno cais am Drwydded Berfformio, cwblhewch y Ffurflen Gais Trwydded Berfformio isod.