Ymchwilio i Lifogydd

Fel Awdurdod Llifogydd Lleol Arweiniol (ALlLlA) ar gyfer Castell-nedd Port Talbot, un o'n cyfrifoldebau newydd yw dyletswydd i ymchwilio i lifogydd sy'n digwydd yn y fwrdeistref fel yr ystyriwn ei bod hi'n angenrheidiol.

1. Wrth ddod i wybod am lifogydd yn ei ardal, mae'n rhaid i awdurdod llifogydd lleol arweiniol, i'r graddau y mae'n ystyried ei bod hi'n angenrheidiol neu briodol, ymchwilio i:
   1. ba awdurdodau rheoli perygl sydd â'r swyddogaethau rheoli llifogydd perthnasol
   2. a yw pob un o'r awdurdodau rheoli perygl hynny wedi arfer y swyddogaethau hynny, neu'n bwriadu eu harfer, mewn ymateb i'r llifogydd.
2. Lle bydd awdurdod yn cynnal ymchwiliad dan is-adran (1), rhaid iddo:
   1. gyhoeddi canlyniadau ei ymchwiliad, a
   2. hysbysu unrhyw awdurdodau rheoli perygl.

Penderfynir ar yr angen i ymchwilio i lifogydd penodol fesul achos, gan ystyried ffactorau megis nifer yr eiddo yr effeithiwyd arnynt a ffynhonnell debygol y llifogydd.

Yn gyffredinol, bydd yr adroddiadau hyn yn cynnwys y canlynol:

• Gwybodaeth gefndir am y lleoliad
• Crynodeb o'r glawiad
• Gwybodaeth am hyd a lled y llifogydd
• Canfyddiadau ymchwiliad
• Syniad o rolau a chyfrifoldebau pob awdurdod rheoli perygl a'r camau gweithredu a gymerir neu a gynigir gan yr awdurdodau rheoli perygl hynny.
• Argymhellion a geir o'r ymchwiliad 

Bydd canlyniadau unrhyw ymchwiliadau i lifogydd a gynhelir gennym yn cael eu cyhoeddi ar y dudalen hon.

• Adroddiad Ymchwilio i Lifogydd Digwyddiad 16 Chwefror 2020 Heol y Farteg, Ystalyfera
• Diweddariad i breswylwyr a gweithredwyr busnes yn ardal Ochr y Gamlas a'r cyffiniau yn dilyn Storm Dennis a'r llifogydd cysylltiedig