Cynllun rheoli llifogydd

Mae'r Cynllun Rheoli Perygl Llifogydd wedi ei baratoi gan Gyngor Bwrdeistref Sirol Castell-nedd Port Talbot mewn ymgynghoriad â'i bartneriaid perygl o lifogydd yn ei rôl fel Arweinydd Awdurdod Llifogydd Lleol i ddarparu ymateb cydgysylltiedig i berygl llifogydd o fewn ein cymunedau.

Y cynllunhwn yw'r olaf mewn cyfres o gamau gweithredu a nodir o dan y Rheoliadau Perygl Llifogydd 2009 sydd yn gofyn i baratoi:

Asesiad RisgLlifogydd Rhagarweiniol
PeryglLlifogydda MapiauPerygl Llifogydd
Cynllun RheoliPerygl Llifogydd

Mae'n nodi sut y bydd CBSCNPT, ar y cyd â rhanddeiliaid fel y bo'n briodol, yn rheoli perygl llifogydd dros y 6 blynedd nesaf i sicrhau bod manteision economaidd, cymdeithasol ac amgylcheddol yn cael eu huchafu yn erbyn cyd-destun yr adnoddau sydd ar gael.

Ar ben hynny, mae'r cynllun yn bwrw ymlaen â'r amcanion a'r camau gweithredu a nodir yn ein Strategaeth Rheoli Perygl Llifogydd Lleol (a gyhoeddwyd ym Mehefin 2013) a'r amcanion a nodwyd yn Strategaeth Llywodraeth Cymru ar Rheoli Perygl Cenedlaethol Llifogydd ac Erydu Arfordirol.

Mae'r amcanion hyn yn canolbwyntio ar leihau canlyniadau andwyol llifogydd ar iechyd dynol, yr amgylchedd, treftadaeth ddiwylliannol a gweithgarwch economaidd. Mae'r cynllun yn tynnu sylw at yr ardaloedd mwyaf mewn perygl o lifogydd o ddŵr wyneb a chyrsiau dŵr cyffredin yn y Fwrdeistref Sirol, yn assessu y risgiau hyn, ac yn gosod allan y mesurau lliniaru arfaethedig.

Neath Port Talbot Flood Risk Management Plan (PDF 18.22 MB)

Strategaeth Rheoli Perygl Llifogydd

Mae'n rhaid i Gyngor Bwrdeistref Sirol Castell-nedd Port Talbot yn ei rôl newydd fel Awdurdod Llifogydd Lleol Arweiniol (ALlLlA) sicrhau bod Strategaeth Rheoli Perygl Llifogydd Lleol (y Strategaeth) yn cael ei llunio ar gyfer yr ardal.

Mae'r strategaeth yn nodi'r perygl o lifogydd lleol sylweddol ar gyfer yr ardal, gan ganolbwyntio'n bennaf ar lifogydd o ddŵr wyneb, dŵr daear a chyrsiau dŵr cyffredin, ac yn helpu pawb yr effeithir arnynt i ddeall ac i reoli perygl llifogydd. Mae hefyd yn ystyried y cyswllt sylweddol â phrif afonydd a charthffosydd.

Mae'n rhaid i'r strategaeth fod yn gyson â'r hyn a nodir yn Neddf Rheoli Llifogydd a Dŵr 2010 a'r Strategaeth Genedlaethol ar gyfer Rheoli Perygl Llifogydd ac Erydu Arfordirol yng Nghymru.

Prif nod y strategaeth yw lleihau'r perygl o lifogydd a'r difrod cymdeithasol ac economaidd a achosir gan lifogydd, a hynny mewn modd cynaliadwy. Mae'r strategaeth yn amlinellu'r ddeddfwriaeth sy'n ymdrin â pherygl llifogydd, natur perygl llifogydd, amcanion rheoli perygl llifogydd a'r amrywiaeth o gamau gweithredu y gellir ymgymryd â hwy. Bydd hefyd yn ystyried pa arian sydd ar gael a sut gellid defnyddio rheoli perygl llifogydd er mwyn sicrhau bod yr arian hyn yn delio'n ddigonol â pheryglon llifogydd presennol ac yn y dyfodol.

Lawrlwytho

Deddf Rheoli Perygl Llifogydd

Mae'r Llywodraeth drwy Adran yr Amgylchedd, Bwyd a Materion Gwledig (DEFRA) ac wedi hynny drwy Lywodraeth Cymru, wedi cynhyrchu cyfres o Dargedau Lefel Uchel y mae'n rhaid i Cyfoeth Naturiol Cymru ac yn eu tro Awdurdodau Llifogydd Lleol Arweiniol eu bodloni er mwyn rheoli a lleihau'r risg i bobl ac eiddo o ganlyniad i lifogydd.

Mae'n ofynnol i CBS Castell-nedd Port Talbot, fel yr Awdurdod Llifogydd Lleol Arweiniol (ALlLlA) gan Reoliadau Perygl Llifogydd (2009), Cyfarwyddeb Llifogydd yr UE 2007/60/EC a Deddf Rheoli Llifogydd a Dŵr 2010 gymryd camau rhesymol i atal llifogydd neu liniaru'r perygl ohonynt i bobl ac eiddo. Fodd bynnag, rhaid nodi bod llifogydd yn broses naturiol ac ni all unrhyw system ddraenio na mesurau amddiffyn rhag llifogydd roi amddiffyniad llwyr rhag pob digwyddiad llifogydd.

Mae gan y cyngor bwerau o dan Ddeddf Draenio Tir 1991, Deddf Priffyrdd 1980 a Deddf Diogelu'r Arfordir 1949 i orfodi perchnogion tir preifat i sicrhau bod perygl llifogydd yn cael ei liniaru ac mae ein hadran Gwasanaethau Priffyrdd a Draenio'n sicrhau bod gwaith cynnal a chadw sylfaenol yn cael ei wneud ar asedau penodol sydd dan berchnogaeth y cyngor fel mater o drefn.

Bydd y cyngor yn anelu at:-

Roi cyngor ac arweiniad i breswylwyr, y gallai llifogydd effeithio arnynt, ar ffyrdd o liniaru'r perygl o lifogydd i'w heiddo.
Sicrhau bod peirianwyr a gweithwyr cynnal a chadw ar ddyletswydd i ddarparu cymorth di-oed mewn lleoliadau allweddol a sicrhau bod amddiffynfeydd a'r system ddraenio'n cael eu harchwilio, eu cynnal a'u cadw a bod gwaith yn cael ei wneud cyn gynted â phosib.
Cynnal a chlirio rhwydweithiau ffyrdd yr effeithir arnynt gan dywydd garw.
Os oes angen, cynorthwyo i symud preswylwyr o'u heiddo a darparu llety dros dro drwy ganolfannau gorffwys.
Ymateb i geisiadau am gymorth brys gan y cyhoedd yn seiliedig ar flaenoriaethau a hefyd ar argaeledd adnoddau, os yw'n ddiogel gwneud hynny.
Gweithio gyda phartneriaid amlasiantaeth i leihau effaith llifogydd a stormydd ar y cymunedau yng Nghyngor Bwrdeistref Sirol Castell-nedd Port Talbot a sicrhau parhad gwasanaethau allweddol.

Ar adegau o argyfwng, bydd y cyngor yn ymdrechu i ddiogelu'r cyhoedd yn gyffredinol ac ni fydd yn gallu cynorthwyo nifer mawr o berchnogion tai unigol y gallai eu heiddo fod dan fygythiad.