Cwestiynau Cyffredin Reprograffeg

Gallwch archebu yn bersonol, dros y ffôn neu trwy e-bost.

Mae archebu amser i weithio ochr yn ochr â’n dylunwyr yn ffordd effeithiol iawn o gyflawni eich nodau yn gyflym ac yn gywir. Bydd rhai tasgau yn ddidrafferth a gallai galwad ffôn neu neges e-bost syml fod yn ddigon.

Mae sawl peiriant lamineiddio o bob maint ar gael gennym. Gall rhai ohonynt fod yn barod i’w defnyddio mewn mater o funudau ac mae’r rhain yn addas ar gyfer posteri a baneri hyd at 600mm o led. Ar gyfer posteri 600-1000mm o led mae gennym beiriant mwy sy’n cymryd o leiaf 45 munud i gyrraedd gwres gweithredu.

Gallwn argraffu hyd at fwyafswm o 1m x 15m.

Gallwn gyflenwi rhai archebion tra byddwch chi’n aros. Fodd bynnag, mae rhai tasgau arbenigol (e.e. arwyddion awyr agored, arwyddion siglo) yn gallu cymryd ychydig mwy o amser o ran trefnu bod y deunyddiau a’r cyfarpar ar gael i gwblhau’r archeb. Gellir disgwyl peth oedi yn ystod ein cyfnodau prysur

Cynigir ystod o galendrau o bob maint am bris mor isel â £1.50. Os byddwch chi’n cynllunio calendr Nadolig yna byddai’n well gennym gwblhau eich dyluniad erbyn diwedd mis Hydref. I sicrhau dosbarthiad cyn y Nadolig, rhaid i’ch archeb ein cyrraedd erbyn diwedd Tachwedd.

Mae ein ffotograffydd, Paul Stephens, ar gael i dynnu ffotograffau calendr. Cofiwch archebu mor fuan â phosibl rhag cael eich siomi.

Os byddwch chi’n creu eich llyfryn eich hun yn MS Word neu MS Publisher, gofalwch osod maint y dudalen i faint y llyfryn gorffenedig (h.y. tudalennau A5 ar gyfer llyfryn A5). Peidiwch â defnyddio unrhyw nodweddion datblygedig fel Booklet neu Book. Yn MS Word, defnyddiwch Toriad Tudalen (Page Break) (Mewnosod>Toriad: Toriad Tudalen) i ddechrau tudalen newydd. Bydd hyn yn caniatáu i ni weld unrhyw anghysondebau o ran fformat a all ddod i’r golwg wrth edrych ar y ddogfen ar gyfrifiadur gwahanol.

I sefydliadau sydd â Chytundeb Lefel Gwasanaeth (CLG) gyda ni, ni fyddwn ond yn codi am gost y deunyddiau i gyflenwi’r archeb ar ein cyfarpar. Lle bydd modd, byddwn ni’n chwilio am y dull mwyaf effeithiol o gyflenwi eich archeb er mwyn sicrhau’r pris gorau posibl i chi.

Ar hyn o bryd cynigir arwyddion wal (2.4m x 1m ar y mwyaf), arwyddion siglo ar balmant, a baneri finyl.

Rydyn ni’n argraffu tua 40,000 o lyfrau bob haf. I sicrhau bod eich llyfrau’n barod erbyn mis Medi, bydd angen i ni gael eich archeb erbyn diwedd Mehefin fan bellaf.