Cofebau

Mae Llyfrau Coffa i'w gweld yn y Capel Coffa gerllaw'r Ardd Orffwys. Mae'r llyfrau mewn pedair cyfrol o dri mis, wedi'u gorchuddio mewn lledr du llo wedi'u haddurno gydag aur mewn dyluniad cymeradwy gyda mecanwaith rhwymo a grëwyd yn arbennig.

Caiff yr arysgrifau eu hychwanegu gan grefftwyr medrus iawn a bydd y Llyfr yn cael ei agor bob dydd ar y dudalen briodol fel bo'r arysgrif i'w weld ar ddiwrnod coffa'r farwolaeth ac ar unrhyw amserau eraill drwy drefniad.

Gall perthnasau a ffrindiau ysgrifennu arysgrif dwy, pum neu wyth llinell i'w rhoi yn y Llyfr ar gais am gost arysgrif safonol. Gall arysgrifau coffa i rieni a fu farw gael eu gosod gyda'i gilydd ar dudalen dyddiad eu pen-blwydd priodas os dymunir. Gellir cynnwys arfbeisiau, lluniau o flodau neu Fathodynnau Gwasanaeth, etc., wrth ochr arysgrif pum neu wyth llinell, a rhoddir manylion ar gais.

Mae'r dudalen enghreifftiol (ar ffurf fechan) yn rhoi syniad i chi o'r math o arysgrif a ddefnyddir fel arfer. (Gwelir rhagor o enghreifftiau yn Swyddfa'r Amlosgfa).

Llyfr coffa bach

Mae gennym Lyfrau Coffa bach sy'n union yr un peth â'r Llyfr Coffa. Mae'n ddigonol ar gyfer wyth arysgrif. Mea enghreifftiau ar gael yn Swyddfa'r Amlosgfa.

Mae cerdyn coffa gwyn yn dal un arysgrif. Gall y teulu gadw hwn neu ei anfon at berthynas pell. Gellir gweld enghreifftiau yu swyddfa'r Amlosgfa.

Bydd y bloc fâs yn cael ei leoli yn y gerddi coffa. Y polisi a ddefnyddir yw bod teuluoedd y rhai a fu farw yn gallu prydlesu'r bloc am gyfnod o ddeng mlynedd, gyda'r opsiwn o adnewyddu'r brydles am ddeng mlynedd arall.

Prynir y llechen wenithfaen gyda'r arysgrif o'r amlosgfa a bydd yn eiddo i'r person a'i prynodd. Nodir y bydd y llwch yn dal i gael ei gladdu'n rhydd yn y ddaear fel a nodir yn ein polisi. Hefyd, ni fydd bloc fâs yn cael ei osod uwchben llwch.

Gofynnir i'r teuluoedd wneud apwyntiad gyda'r swyddfa er mwyn prydlesu'r bloc fâs.

Gellir gweld rhagor o enghreifftiau a rhai lluniau o flodau yn Swyddfa'r Amlosgfa.

Gellir gosod blodau yn y Capel Coffa neu yn y Prif Gapel, darperir fasu a dysglau yn y ddau Gapel. Gellir gosod planhigion pot hefyd yn y Capel Coffa. Gellir gosod blodau ar y lawntiau ond ni ddylid eu diogelu gyda ffyn na phegiau metel, sy'n beryglus i dorrwyr gwair a staff garddio. Gofynnir i chi gael gwared ar unrhyw becynnu neu bapur cyn gosod y blodau ar y lawntiau. Bydd methu â chydymffurfio yn golygu y byddant yn cael eu symud. Ni chaniateir cynwysyddion, potiau, trefniadau blodau na blodau artiffisial yn y gerddi, ac os byddant yn cael eu gosod byddant yn cael eu symud.

Gellir neilltuo Fâs Allor (Capel Coffa) neu fâs mewn ffenestr lliw (Prif Gapel) pan fyddant ar gael er mwyn coffáu marwolaeth. Gellir eu neilltuo am un wythnos (h.y. o Ddydd Sadwrn tan Ddydd Gwener) ac mae'r gost yn cynnwys cerdyn coffa mewn ffrâm a osodir gyda'r blodau neu'r planhigion. Dylid rhoi tua phedwar mis o rybudd ar gyfer y trefniadau hyn a cheir adegau pan fydd y fasys wedi'u harchebu ymhell ymlaen llaw.

Cyflwynwyd dau gynllun ychwanegol er mwyn ychwanegu at ein dulliau coffa. Gellir cyfrannu at y Bylbiau a’r Coed Coffa drwy law'r Uwcharolygydd ar unrhyw adeg; o'r gronfa hon, prynir bylbiau naturiol bob blwyddyn yngyd â choed neu lwyni newydd. Drwy wneud hyn, mae'r cof am ein teuluoedd yn parhau drwy harddwch y blodau a'r coed sy'n llenwi'r parcdir hyfryd hwn, rhywbeth y gall bawb ei werthfawrogi a'i rannu.

Dydd Sul y Blodau

Bob blwyddyn, rydym yn cynnal Gwasanaeth Coffa ar diwrnod hwn i gofio am y rhai a amlosgwyd ym Margam. Mae bob amser yn dechrau am 3.00 p.m. Mae nifer o deuluoedd wedi dweud yr hoffent gyfrannu at y gost, ac erbyn hyn agorwyd Cronfa'r Gwasanaeth Coffa. Gellir rhoi rhodd er cof ar unrhyw adeg hyd at fis cyn y digwyddiad. Bydd Cofrestr Coffa sy'n rhestru enwau y rhai a goffeir yn cael ei pharatoi a'i harddangos yn y Capel am flwyddyn ar ôl Gwasanaeth Sul y Blodau. Argymhellir y ddau gynllun coffa hyn yn hytrach na rhoi blodau ar Ddydd Sul y Blodau, y Pasg a'r Nadolig pan fydd cymaint o flodau a phlanhigion pot i'w gweld.

Gwasanaeth y Nadolig

Ar yr ail ddydd Sadwm ym mis Rhagfyr, cynhelir Gwasanaeth Carolau. Mae'r gwasanaeth yn dechrau am 2.00 p.m. ac mae'n agored i bawb. Yn dilyn y Gwasanaeth, bydd lluniaeth ysgafn ar gael.