Pethau i'w gweld
Yn aml yn cael ei gysgodi gan raeadrau ym Mharc Cenedlaethol Bannau Brycheiniog, mae gwarchodfa natur Melin-cwrt yn ymfalchïo yn y canlynol:
- gwarchodfa natur 12 erw
- rhaeadr ysblennydd 80 troedfedd o uchder
- ffwrnais chwyth ac adfeilion gwaith haearn
- amrywiaeth eang o goed, planhigion a bywyd gwyllt
- llwybr cerdded Turner
Parcio
Mae'r rhaeadr tua 10-15 munud ar droed o'r maes parcio.
| Maes parcio | Cost | Oriau agor |
|---|---|---|
| Maes parcio rhaeadr Melin-cwrt | Rhad ac am ddim | Ar agor 24 awr |
Llwybr Turner
Am daith gerdded fwy heriol, ewch ar hyd Llwybr Turner. Dewch i weld y dirwedd syfrdanol a dynnodd yr arlunydd J. M. W. Turner yn ei frasluniau niferus o'r ardal.
Mae'r llwybr yn cychwyn yng Ngwaith Tun a Rhaeadr Aberdulais yr Ymddiriedolaeth Genedlaethol. Mae'n dilyn Afon Dulais ac Afon Nedd cyn cyrraedd Rhaeadr Melin-cwrt.
Sgwd Gwladys
Ymwelwch â Rhaeadr Sgwd Gwladys ym Mhontneddfechan. Dim ond 12 munud i ffwrdd fe welwch bedwar rhaeadr drawiadol ar lwybr Elidir.
Cyfleusterau
Nid oes unrhyw gyfleusterau ar hyd y llwybr. Gallwch ddod o hyd i’r cyfleusterau canlynol yn Resolfen:
- toiled cyhoeddus ym maes parcio camlas Resolfen
- tafarndai a chaffis
Hygyrchedd
Mae'r llwybr yn hygyrch gyda llwybr wedi'i gynnal a'i gadw'n dda yn arwain at y rhaeadr.
