Mynd i'r afael â'r argyfwng natur drwy'r System Gynllunio

Polisi Cynllunio Cenedlaethol wedi'i ddiweddaru ar gyfer Pennod 6 Polisi Cynllunio Cymru.

Gellir crynhoi'r prif newidiadau i'r polisi fel a ganlyn:

Seilwaith gwyrdd

Pwyslais cryfach ar gymryd ymagwedd ragweithiol at seilwaith gwyrdd:

• cwmpasu ystyriaethau trawsffiniol
• nodi canlyniadau allweddol asesiadau seilwaith gwyrdd
• cyflwyno datganiadau seilwaith gwyrdd cymesur gyda cheisiadau cynllunio
• yfeirio safonau Adeiladu gyda Natur

Budd ar gyfer bioamrywiaeth a'r dull cam-ddoeth

Darperir eglurder pellach ar sicrhau budd ar gyfer bioamrywiaeth drwy gymhwyso'r dull cam-ddoeth:

• cydnabod mesurau iawndal oddi ar y safle fel dewis olaf
• yr angen i ystyried gwella a rheoli tymor hir ar bob cam

Dull cryfach o amddiffyn SoDdGAs:

• mwy o eglurder ynghylch y sefyllfa ar gyfer rheoli safle
• eithriadau ar gyfer mân ddatblygiadau sy'n angenrheidiol i gynnal 'tirwedd fyw'
• ystyrir bod datblygiad arall yn annerbyniol fel mater o egwyddor

Coed a choetiroedd

• Aliniad agosach â'r dull cam-ddoeth
• Hyrwyddo plannu newydd fel rhan o ddatblygiad yn seiliedig ar sicrhau'r goeden gywir yn y lle iawn
• Rhaid plannu o leiaf 3 coeden o fath a maint tebyg yn lle pob coeden a dorrir

Darllenwch y PPW12 yn llawn

Datganiad seilwaith gwyrdd

Dylid cyflwyno datganiad seilwaith gwyrdd gyda'r holl geisiadau cynllunio.

Bydd hyn yn gymesur â graddfa a natur y datblygiad a gynigir. Dylai hyn ddisgrifio sut mae seilwaith gwyrdd wedi'i ymgorffori yn y cynnig.

Yn achos mân ddatblygiad, bydd hyn yn ddisgrifiad byr. Ni ddylai hyn fod yn feichus i ymgeiswyr.

Rhaid defnyddio'r rhain i ddangos bod y dull cam-ddoeth yn cael ei gymhwyso (Paragraff 6.4.21).

Lle mae'r effaith andwyol ar fioamrywiaeth a chydnerthedd ecosystemau yn amlwg yn gorbwyso ystyriaethau materol eraill, dylid gwrthod y datblygiad.

Rydym wedi llunio templed drafft ar gyfer Datganiad GI at ddibenion datblygu mân a deiliaid tai.