Ymweliadau addysg ailgylchu
Gall ein tîm ddarparu sgyrsiau addysg ailgylchu ac ymweliadau ar gyfer ysgolion a grwpiau cymunedol.
Rydym yn ymroddedig i annog a gwella ymdrechion ailgylchu. Rydym yn ymweld ag ysgolion a chymunedau yn rheolaidd i:
- hyrwyddo pwysigrwydd ailgylchu
- darparu arweiniad ar sut i ailgylchu’n effeithiol
Sgyrsiau ysgol gynradd
Rydym yn cynnig cyflwyniadau, gweithgareddau, a fideos i addysgu disgyblion am:
- effaith gwastraff ar yr amgylchedd
- beth y gellir neu na ellir ei ailgylchu
- pwysigrwydd ailgylchu
- beth sy’n digwydd i’n sbwriel a’n hailgylchu ar ôl iddo gael ei gasglu
Rydym hefyd yn hapus i ddylunio rhaglen benodol ar gyfer eich anghenion neu ddiddordebau, megis:
- lleihau, ailddefnyddio ac ailgylchu
- llygredd plastig
- gwastraff bwyd
Gallwn gynnig y rhain naill ai i ymgynulliad neu ddosbarth unigol.
Cerbydau Trydan Ailgylchu (TrEV)
Helpu'r disgyblion i ddeall sut mae ailgylchu yn cael ei gasglu!
Gellir trefnu'r Cerbyd Trydan Ailgylchu (TrEV) i ymweld ag ysgolion. Byddwn yn dangos ac yn trafod gwahanol adrannau o'n lorïau ailgylchu.
Sgyrsiau grŵp cymunedol
Rydym yn cynnig cyflwyniadau, gweithgareddau a fideos i addysgu cymunedau am:
- effaith gwastraff ar yr amgylchedd
- beth y gellir neu na ellir ei ailgylchu
- pwysigrwydd ailgylchu
- beth sy'n digwydd i'n sbwriel a'n hailgylchu ar ôl iddo gael ei gasglu
Digwyddiadau cymunedol
Gallwn fynychu digwyddiadau ar draws y fwrdeistref i:
- hyrwyddo pwysigrwydd ailgylchu
- rhoi arweiniad ar sut i ailgylchu'n effeithiol
- cynnig gweithgareddau difyr a di-dâl i blant
- darparu offer ailgylchu am ddim i drigolion ei gasglu
Ôl-gerbyd ailgylchu addysgol
Rydyn ni wedi troi hen uned arddangos segur yn rhywbeth hwyliog a chyffrous i hybu ailgylchu o fewn cymunedau.
Mae gennym ni:
- fideos addysgol
- gweithgareddau difyr a rhad ac am ddim i blant
- gwybodaeth am effaith gwastraff ar yr amgylchedd
- beth y gellir neu na ellir ei ailgylchu
- offer ailgylchu am ddim i drigolion ei gasglu
Ymweliadau ysgolion ar orsaf drosglwyddo
Ar gael i'w drefnu o ddechrau 2025
Gallwn ddarparu ar gyfer ymweliadau dosbarth ysgol â'n Gorsaf Drosglwyddo. Yn addas ar gyfer dosbarthiadau a hoffai weld beth sy'n digwydd i'w gwastraff ac ailgylchu ar ôl iddo gael ei gasglu gan ein criwiau.
Yn ystod yr ymweliad, byddwch yn:
- cael taith o amgylch yr orsaf drosglwyddo
- gweld (ac arogli ! ) sut mae deunyddiau yn cael eu dadlwytho o'r lorïau
- cymryd rhan mewn sesiynau rhyngweithiol llawn hwyl yn ein hystafell ddosbarth.
O lwyfan gwylio, bydd plant yn cael y cyfle i:
- gweld lle mae'r lorïau sbwriel ac ailgylchu yn dadlwytho
- gweld ein peiriannau yn didoli'r ailgylchu
- deall sut mae adnabod deunyddiau yn hanfodol i'r broses o ailgylchu
Bydd y dosbarth yn cael ei rannu'n grwpiau fydd yn cylchdroi o fewn gweithgareddau. Bydd un grŵp yn mynd i'r llwyfan gwylio. Bydd y grŵp arall yn mynd i'n hardal ystafell ddosbarth. Bydd o leiaf un aelod o’n tîm ac athro yn goruchwylio pob grŵp.
Gallwn ddarparu ar gyfer un dosbarth o uchafswm o 35 o blant fesul ymweliad. Bydd yr ymweliad yn para tua 2 awr.
Rhaid i blant fod o leiaf 7 oed.
Mae mynediad i'r anabl i'r ystafell ddosbarth. Nid oes mynediad i'r anabl ar gael ar y llwyfan gwylio.
Archebu
Os oes gennych ddiddordeb mewn unrhyw un o'r uchod, e-bostiwch recycle4NPT@npt.gov.uk. Bydd ein tîm yn cysylltu â chi i drafod eich gofynion ac argaeledd.