Cytundeb Cyflawni
Mae’r CC yn un o ofynion statudol y broses o baratoi’r Cynllun o dan Reoliad 9 o Reoliadau Cynllunio Gwlad a Thref (Cynlluniau Datblygu Lleol) (Cymru) 2005 (fel y’u diwygiwyd gan Reoliadau Cynlluniau Datblygu Lleol (Cymru) Newidiwyd 2015), a rhaid ei gymeradwyo trwy benderfyniad y Cyngor a LlC.
Dechreuodd Cyngor Castell-nedd Port Talbot (CCNPT) weithio ar ei Gynllun Datblygu Lleol Amnewid (CDLlA) yn 2021. Mae canfyddiadau rhagarweiniol yr ‘Alwad am Safleoedd’ yn 2022, ynghyd â gwybodaeth a gafwyd o’n Hadroddiadau Monitro Blynyddol a rhagolygon twf, yn dangos bod angen canfod tir ychwanegol ar gyfer tai, a bod angen rhagor o amser i ymdrin â seilwaith sydd eisoes yn bodoli a materion dichonoldeb.
Yng ngoleuni hyn, mae’r Cyngor wedi penderfynu atal y gwaith o baratoi’r CDLlA, a dechrau eto. Cymeradwywyd Cytundeb Cyflawni (CC) Drafft gan y Cyngor ar 4 Hydref 2023, ac yn dilyn ymgynghoriad fe’i cyflwynwyd i Lywodraeth Cymru. Mae’r Adroddiad Ymgynghori i’w weld isod:
Wedi hynny, cymeradwywyd y Cytundeb Cyflawni gan Lywodraeth Cymru ar 26 Hydref 2023, fel bod Cyngor CNPT yn gallu cychwyn yn ffurfiol ar y gwaith o baratoi’r Cynllun Datblygu Lleol Amnewid (CDLlA). Mae’r CC yn cyflwyno proses o 3.5 mlynedd hyd at fabwysiadu CDLlA, a ragwelir ym Ebrill 2027, gyda’r cynllun yn dod i ben yn 2038.
Y Cytundeb Cyflawni:
- yn nodi'r amserlen ar gyfer llunio'r Cynllun Datblygu Lleol Newydd
- yn nodi'r cyfnodau allweddol a'r adnoddau y bydd y Cyngor yn eu hymrwymo i ddatblygu y Cynllun Datblygu Lleol Newydd ac
- yn cynnwys Cynllun Cynnwys y Gymuned. Mae hwn yn nodi sut a phryd y bydd rhanddeiliaid a'r gymuned yn cael eu cynnwys yn y broses o baratoi cynllun.
Cyflwynir yr Amserlen ar gyfer paratoi’r CDLlA isod:
Cyfnodau Terfynol
| Cyfnod Allweddol | Amserlen |
|---|---|
| Cytundeb Cyflawni | Tachwedd 2023 |
| Cyfranogiad / Paratoadau Cyn-Adnau (Rheoliad 14) | Tachwedd 2023 – Medi 2024 |
| Galwad am Safleoedd Ymgeisiol | Tachwedd 2023 – Rhagfyr 2023 |
| Ymgynghoriad Cyn-Adnau (Strategaeth a Ffafrir) – (Rheoliad 15) | Tachwedd 2024 – Rhagfyr 2024 |
| Cyfranogiad/Paratoadau Adnau | Rhagfyr 2024- Medi 2025 |
| Ymgynghori ar y CDLlA Adnau (Rheoliad 17) | Tachwedd 2025 – Rhagfyr 2025 |
Amserlen Ddangosol
| Cyfnod Allweddol | Amserlen |
|---|---|
| Cyflwyno’r CDLlA i LlC i’w archwilio (Rheoliad 22) | Mehefin 2026 |
| Archwiliad Annibynnol (Rheoliad 23) | Medi 2026 – Rhagfyr 2026 |
| Derbyn a Chyhoeddi Adroddiad yr Arolygdd (Rheolaid 24) | Chwefror 2027 |
| Mabwysiadu’r CDLlA (Rheoliad 25) | Ebrill 2027 |
| Monitro ac Adolygu | Ebrill 2028 |
Mae copïau papur o’r Cytundeb Cyflawni i’w gweld yn yr holl leoliadau Adneuo:
- Canolfan Ddinesig Castell-nedd, Castell-nedd, SA11 3QZ
- Canolfan Ddinesig Port Talbot, Port Talbot, SA13 1PJ