Cronfa Ffyniant Gyffredin y DU - Cynlluniau Grant Castell-nedd Port Talbot
Mae Cyngor Castell-nedd Port Talbot wedi datblygu ystod o gynlluniau grant i adeiladu ar ein heriau, ein cryfderau, ein hanghenion a'n cyfleoedd lleol i sicrhau y gall pob ardal o'n cymunedau ddefnyddio Cronfa Ffyniant Gyffredin y DU i ymfalchïo mewn lle a chynyddu cyfleoedd bywyd.
Datblygwyd y cynlluniau grant i ategu a chyd-fynd â phrosiectau angori strategol Castell-nedd Port Talbot a rhaglenni cyllido eraill e.e. Cronfa Codi'r Gwastad, y Fargen Ddinesig.
Mae meini prawf cymhwysedd penodol gan bob cynllun grant a dylai ymgeiswyr gyfeirio at ganllawiau penodol y cynllun grant cyn gwneud cais.
Cynlluniau grant Cronfa Ffyniant Gyffredin y DU Castell-nedd Port Talbot
Ymyriadau Strategol Treftadaeth, Diwylliant a Thwristiaeth
Yn cynnig hyd at 100% o arian cyfalaf i bartneriaid yn y sector cyhoeddus i gyflawni prosiectau cyfalaf blaenoriaeth rhwng £150,001 (isafswm) a £250,000 (uchafswm).
Ymyriadau Treftadaeth, Diwylliant a Thwristiaeth ar raddfa fach
Yn cynnig hyd at 100% o gyllid cyfalaf a/neu refeniw i grwpiau cyfansoddiadol cyhoeddus a'r trydydd sector rhwng £5,000 (lleiafswm) a £150,000 (uchafswm).
Digwyddiadau Treftadaeth a Diwylliannol
Cyllid refeniw sy'n cynnig 100% o wariant cymwys hyd at £10,000 (uchafswm) mewn perthynas â marchnata, offer a chyfranogiad cymunedol mewn digwyddiadau cymunedol a strategol bwysig yn y sir.
Nod y gronfa
Nod y Gronfa Treftadaeth, Diwylliant, Twristiaeth a Digwyddiadau ar gyfer partneriaid yn y sectorau cyhoeddus, preifat a gwirfoddol yw cyflawni prosiectau a mentrau treftadaeth, diwylliant a thwristiaeth blaenoriaethol ar draws Castell-nedd Port Talbot, fel y nodir yng Nghynllun Corfforaethol Cyngor Castell-nedd Port Talbot.
Cydnabyddir bod gan ddigwyddiadau mawr ac ar raddfa fach rôl allweddol i'w chwarae wrth alluogi preswylwyr ac ymwelwyr i ddod i gysylltiad â diwylliant a threftadaeth unigryw Castell-nedd Port Talbot ac maent yn chwarae rhan allweddol wrth ddenu ymwelwyr i'r ardal. Felly bydd y Gronfa hefyd ar gael i drefnwyr digwyddiadau yn y sectorau cyhoeddus, preifat a gwirfoddol ar gyfer digwyddiadau sy'n cyd-fynd â brand lleoedd Castell-nedd Port Talbot.
Themâu
Bydd y Gronfa'n canolbwyntio ar y blaenoriaethau canlynol:
- Gwaith adfer, cadwraeth a chaffael adeileddau rhestredig a hanesyddol bwysig o fewn y sir. Ehangu hygyrchedd a mynediad i leoliadau, atyniadau ac adeileddau sy'n galluogi preswylwyr ac ymwelwyr i ryngweithio â threftadaeth a diwylliant Castell-nedd Port Talbot.
- Gwella a dehongli safleoedd, llwybrau ac atyniadau o ddiddordeb treftadaeth a diwylliannol i ddatblygu dealltwriaeth ac apêl y lleoliad/ safle/adeiledd ymhlith preswylwyr ac ymwelwyr. (Rhaid datblygu pob dehongliad yn ddwyieithog).
- Cefnogi sefydliadau gwirfoddol, trydydd sector a chyhoeddus i gryfhau cyfranogiad mewn gweithgareddau treftadaeth a diwylliannol yn ogystal â mentrau i sicrhau cadernid sefydliadau a arweinir yn wirfoddol yn y sectorau treftadaeth a diwylliant yn y dyfodol.
- Cefnogi'r gwaith o gyflawni gwelliannau isadeiledd ar y ddaear a fydd yn cryfhau apêl gyffredinol Castell-nedd Port Talbot fel cyrchfan gynaliadwy i ymwelwyr ac yn annog arosiadau dros nos ychwanegol yn yr ardal.
- Marchnata gweithgareddau sy'n ehangu ymwybyddiaeth o dreftadaeth, diwylliant ac amgylchedd naturiol Castell-nedd Port Talbot i breswylwyr lleol. Rhaid i gynigion fod ar gyfer safleoedd, lleoliadau neu gynnyrch penodol yn unig ac ni ddylent ymwneud â gweithgareddau marchnata cyrchfan cyffredinol. Rhaid i bob safle sy'n cael ei hyrwyddo fod o fewn cyrraedd y cyhoedd.
- Cynnal astudiaethau dichonoldeb i sefydlu'r achos busnes ar gyfer darparu buddsoddiadau neu fentrau penodol sy'n cysylltu â threftadaeth, diwylliant, twristiaeth a digwyddiadau yn y sir.
- Creu portffolio eang o ddigwyddiadau a gwyliau mawr ac ar raddfa fach sy'n amlygu pwysigrwydd treftadaeth, treftadaeth leol, diwylliant a dealltwriaeth amgylcheddol o fewn Castell-nedd Port Talbot yn y dyfodol ac yn annog pobl i aros dros nos o fewn y sir.
Gwybodaeth ymgeisio
I drafod eich prosiect arfaethedig a gofyn am ffurflen gais, e-bostiwch hctefund@npt.gov.uk
Dyddiadau Cau ar gyfer Ymgeisio
Bydd y panel cyllido yn cwrdd yn fisol, bydd tîm y prosiect yn gallu rhoi cyngor ar ddyddiadau cau perthnasol.
Mae'r £2.8m o Grantiau Buddsoddi mewn Busnesau a Sefydlu Busnesau Newydd yn rhan o waith Cyngor Castell-nedd Port Talbot i ddarparu ei ddyraniad o Gronfa Ffyniant Gyffredin y DU.
Grant Buddsoddi mewn Busnesau
Y grant isaf sydd ar gael yw
£500
Y grant uchaf sydd ar gael yw
£50,000
Nod y gronfa
Mae Cyngor Bwrdeistref Sirol Castell-nedd Port Talbot yn ystyried buddsoddiad mewn sefydlu busnesau newydd, datblygu busnesau presennol a denu mewnfuddsoddwyr yn hanfodol i gefnogi cymunedau lleol a'r economi.
Mae buddsoddi mewn datblygu busnesau lleol yn hanfodol er mwyn sicrhau cynaladwyedd tymor hir unrhyw fenter, drwy adeiladu cadernid, gallu, cynyddu cynhyrchiant, gwella sgiliau a datblygu eu hyblygrwydd i ymateb i anghenion cyfnewidiol yr economi ehangach. Yn ogystal, mae angen buddsoddiadau sy'n lleihau effaith busnesau ar yr amgylchedd.
Gyda buddsoddiad o'r fath, mae Castell-nedd Port Talbot yn meithrin economi fwy deinamig, arloesol, gwyrddach ac amlbwrpas, gyda gweithlu medrus a hyblyg sy'n gallu gwrthsefyll yr heriau sy'n wynebu'r economi fyd-eang dros amser.
Mae grantiau o rhwng £500 a £50,000 ar gael, yn ôl disgresiwn, a chânt eu hystyried fesul achos
Grantiau Sefydlu Busnes
Y grant uchaf sydd ar gael yw
£5000
Nod y gronfa
Mae'r arian a ddarperir dan y rhaglen ar gael i gynorthwyo busnesau newydd i gael eu sefydlu a darparu cyflogaeth amser llawn neu ran-amser i'r ymgeisydd.
Gall ymgeiswyr hawlio hyd at £5,000 i helpu gyda chostau sefydlu - caiff 100% o arian cyfatebol ei ddarparu ar gyfer grantiau hyd at £2,000 a 50% ar gyfer grantiau rhwng £2,000 a £5,000
Rhoddir yr arian yn ôl disgresiwn a chaiff ceisiadau eu hystyried fesul achos ar ôl asesu meini prawf cymhwysedd y grant a buddion y grant i'r busnes
Gwybodaeth ymgeisio
Mae proses ymgeisio dau gam ar-lein i'w dilyn:
- Mynegiant o ddiddordeb
- 2. Cais
I drafod eich prosiect arfaethedig, anfonwch e-bost i spfbusiness@npt.gov.uk
Dyddiadau Cau ar gyfer Ymgeisio
Rownd 1 yn lansio'n fuan.
Gwneud cais am gynlluniau grant
- Dylai ymgeiswyr sicrhau nad yw eu gweithgareddau arfaethedig yn dyblygu'r Prosiectau Angori neu brosiectau Annibynnol
- Bydd angen i ymgeiswyr lenwi'r ffurflen cais am grant berthnasol gan ddefnyddio'r canllawiau cysylltiedig.
- Nodwch y cynllun grant rydych chi'n gwneud cais amdano yn llinell destun yr e-bost.
- Byddwch yn derbyn e-bost cadarnhau o dderbyn eich cais
- Bydd ceisiadau'n cael eu hasesu a byddwn yn cysylltu ag ymgeiswyr am ragor o fanylion/eglurhad os oes angen.
- Bydd ymgeiswyr llwyddiannus yn cael gwybod am y penderfyniad ariannu drwy e-bost.
- Bydd Cytundebau Ariannu'n cael eu cyhoeddi gan gynnwys amodau dyfarnu'r grant.
Mae'r dogfennau canlynol ar gael i gefnogi'r broses ymgeisio: