Gwasanaeth argyfwng y tu allan i oriau
Ein horiau agor yn ystod y dydd yw 8:30am tan 5pm o ddydd Llun i ddydd Iau, ac 8:30am tan 4:30pm ar ddydd Gwener.
Os bydd argyfwng y tu allan i'r oriau hyn ac nad yw'n fater i'r gwasanaethau brys (999), yna gallwch ein ffonio ni ar y rhifau isod.
Manylion cyswllt y tu allan i oriau ar gyfer gwasanaethau'r Cyngor
Os bydd gennych ymholiad brys y bydd angen i chi ei drafod â'n tîm y tu allan i oriau, ffoniwch 01639 686868.
Argyfyngau y byddwn yn delio â nhw
Ymhlith yr argyfyngau y byddwn yn delio â nhw mae:
- llifogydd
- problemau sy'n ymwneud â phriffyrdd, fel damweiniau traffig ffyrdd
- methiannau goleuadau traffig a phroblemau difrifol sy'n ymwneud â goleuadau stryd
- adeiladau, coed a strwythurau peryglus
- cŵn coll neu gŵn wedi'u darganfod
Beth fydd yn digwydd pan fyddwch yn ein ffonio ni y tu allan i oriau
Bydd swyddog argyfwng y tu allan i oriau yn ateb eich galwad. Bydd yn eich cynghori chi ar yr hyn y gallwn ei wneud a'r hyn na allwn ei wneud.
Mae'n bosibl y byddwn yn:
- gwneud trefniadau ar gyfer delio â'r ymholiad os bydd risg uniongyrchol a sylweddol
- rhoi cyngor i chi, ynghyd â manylion cyswllt y sefydliad a all ddelio a'ch galwad, os yw'n fater na allwn ddelio ag ef
- eich cynghori chi nad yw'r digwyddiad yn argyfwng ac argymell y dylech chi ffonio'n ôl yn ystod oriau swyddfa arferol
Digartrefedd (argyfyngau y tu allan i oriau swyddfa yn unig)
- Ffôn: 01639 685219
Gwasanaeth Dyletswydd Argyfwng y Gwasanaethau Cymdeithasol
- Ffôn: 01639 895455
- 5:30pm - 1:30am (yn ystod yr wythnos)
- 9:00am - 1:30am (dydd Sadwrn/dydd Sul /Gwyliau Banc)
Yn yr argyfyngau mwyaf difrifol yn unig, bydd gweithiwr cymdeithasol ‘ar alwad’ bob diwrnod o'r flwyddyn rhwng 1:30am ac 8:30am. Gellir cysylltu â'r gweithiwr cymdeithasol drwy gysylltu â'r heddlu yn gyntaf.
Manylion cyswllt ar gyfer gwasanaethau a sefydliadau eraill
Atgyweiriadau brys Tai Tarian
- Ffôn: 0300 777 3000
Yr Heddlu, y Gwasanaeth Tân, Ambiwlans, Gwylwyr y Glannau
- Ffôn: 999
Asiant Cefnffyrdd De Cymru
- Ffôn: 03001231213
Gwasanaeth rhoi gwybod am argyfyngau nwy
- Ffôn: 0800 111999
Gwasanaeth rhoi gwybod am argyfyngau trydan
- Ffôn: 0800 0520400
Dŵr Cymru
- Ffôn: 0800 0520400
Llinell llifogydd Cyfoeth Naturiol Cymru
- Ffôn: 0345 988 1188
Llinell gymorth digwyddiadau Cyfoeth Naturiol Cymru
- Ffôn: 0800807060