Polisiau Parcio ac Adroddiad Blynyddol

Polisi Parcio

Egwyddorion a Pholisi ar gyfer Gwasanaethau Parcio Castell-nedd Port Talbot

Mae'r egwyddorion canlynol yn sail i bolisïau parcio'r cyngor ar hyn o bryd: -

Dylai polisi parcio gefnogi amcanion datblygu cynaliadwy a gwelliant amgylcheddol y cyngor drwy wella diogelwch ffyrdd, a lleihau traffig a thagfeydd ac annog y defnydd o feysydd parcio oddi ar y stryd yng nghanol trefi.
Dylai polisi parcio danategu bywiogrwydd a hyfywedd canol trefi drwy reoli parcio ar y stryd ac oddi ar y stryd yn briodol.
Dylid defnyddio dulliau rheoli parcio yn ddetholus i fynd i'r afael â gwrthdaro penodol, ond ni ddylid eu defnyddio'n ddiangen.
Dylai'r cyfrif parcio gynnwys yr holl gostau ac incwm perthnasol a bod yn dryloyw.
Dylai polisïau parcio ystyried materion cydraddoldeb ac anabledd.

Yn dilyn yr egwyddorion hyn, cynigir y datganiadau polisi parcio canlynol i'w mabwysiadu hefyd: -

fewn canol trefi, rhoddir blaenoriaeth i barcio cyfnod byr cyfleus i ddiwallu angen lleol i gefnogi'r economi leol.
Bydd mannau parcio am gyfnod hir yn defnyddio mannau agored llai cyfleus neu ar gyrion canolfannau.
Diogelir gallu preswylwyr lleol i barcio'n agos at eu tai, yn enwedig drwy reoli parcio ar y stryd yng nghanol trefi ac yn agos iddynt, e.e. drwy gynlluniau parcio i breswylwyr a pharthau parcio wedi'u rheoli.
Defnyddir taliadau parcio yng nghanol trefi ac mewn lleoliadau eraill lle mae galw mawr er mwyn rheoli parcio.
Trefnir darpariaeth addas ar gyfer pobl anabl.

Polisi Parcio Preswylwyr a Trwyddedau

I gael trwydded:

Rhaid i chi fod yn berchen ar gerbyd ac yn gallu gyrru.
Rhaid i chi ddangos dogfen cofrestru cerbyd ddilys (V5) neu gytundeb symudedd dilys ynghyd â thrwydded yrru gyfredol. Nid yw tystysgrif MOT na dogfennau yswiriant yn dderbyniol fel prawf perchnogaeth.
Rhaid i'r ddwy ddogfen hon gynnwys eich enw a'ch cyfeiriad cywir, a rhaid i'r rheiny gyfateb i'r enw a'r cyfeiriad ar y ffurflen gais.
Os byddwch yn gwneud cais drwy'r post, peidiwch ag anfon eich V5 a'ch trwydded yrru wreiddiol; copïau yn unig.
Mae trwydded ond yn ddilys ar gyfer y cerbyd y cyflwynwyd hi ar ei chyfer ac ni ellir ei defnyddio ar unrhyw gerbyd arall.
Rhaid dychwelyd trwydded pan fydd yn cael ei hadnewyddu neu wrth newid cerbyd.
Os collir neu ddinistrir trwydded, neu os na thynnir hi o'r cerbyd wrth ei gwerthu, codir tâl o £5 i gyflwyno trwydded arall.
Cyflwynir 2 drwydded yn unig pan na fydd parcio amgen oddi ar y stryd ar gael h.y. garej, dreif etc.
Codir tâl gweinyddol o £25 am gyflwyno pob trwydded barcio.
Cyflwynir 2 drwydded dros dro ar y mwyaf wrth aros i ddogfennau cofrestru'r cerbyd gael eu dychwelyd.
Rhoddir trwyddedau ar gyfer cerbydau masnachol ond ni ddyylent bwyso mwy na 3.5 tunnell.
Cyflwynir trwyddedau ar gyfer carafanetau a chartrefi symudol, ond ni ddylent fod yn fwy na 3.5 tunnell na'n hirach na 4.38 metr.
Cyflwynir trwydded ymwelydd teuluol yn unig pan nad oes trwydded breswylydd ddilys wedi'i chyflwyno i'r eiddo, a rhaid i feddyg teulu ei llofnodi.
Cyflwynir trwyddedau ymwelwyr gwyliau am gyfnod o bythefnos ar y mwyaf.

Os oes gennych unrhyw ymholiadau, ffoniwch y gwasanaethau parcio ar 01639 763939 neu e-bostiwch parking@npt.gov.uk

Adroddiadau Blynyddol

Mae Cyngor Bwrdeistref Sirol Castell-nedd Port Talbot wedi paratoi'r arweiniad polisi canlynol o ran Gorfodi Parcio Sifil.

Mae'r cyngor yn aelod o'r Cydbwyllgor Dyfarnu Rheoliadau Parcio a Thraffig y Tu Allan i Lundain (PATROL).

Mae arweiniad hefyd ar gael o ran parcio i bobl anabl yn y canolfannau dinesig yng Nghastell-nedd a Phort Talbot.