Sgiliau a hyfforddiant gyrfaol
Dysgwch pa gefnogaeth a chyfleoedd hyfforddi sydd ar gael i’ch helpu i uwchsgilio neu ddod o hyd i swydd.
Margam SA13 2NF pref
Dewch draw i siarad â’r sefydliadau canlynol:
Addysg i Oedolion yn Gymuned CNPT
Gall Addysg i Oedolion yn Gymuned CNPT ddarparu cyrsiau hyfforddi yn rhad ac am ddim, fel ysgrifennu CV, sgiliau cyfweld a chodi hyder i’ch helpu i baratoi am waith a dod o hyd iddo.
Maen nhw hefyd yn cynnig cyfleoedd ailhyfforddi ac uwchsgilio gyda chyrsiau o lefel mynediad hyd at Lefel 3.
Cyfrifon Dysgu Personol
Mae Cyfrifon Dysgu Personol yn darparu dysgu hyblyg a ariennir yn llawn i unigolion sy'n edrych i wella eu sgiliau mewn sectorau blaenoriaeth Gall Cyfrif Dysgu Personol helpu unigolion, yn enwedig y rhai sy'n wynebu diswyddiad, i gael mynediad at gyfleoedd cyflogaeth newydd mewn sectorau allweddol.
Cyflogadwyedd CPT
Mynnwch help gyda phethau fel chwilio am swydd, llunio CV a thechnegau cael cyfweliad
Dod o hyd i’ch Canolfan Waith leol
Gall eich Canolfan Byd Gwaith ddarparu cefnogaeth i’ch helpu i baratoi ar gyfer gwaith, dod o hyd i waith ac aros mewn gwaith.
Grŵp Colegau NPTC
Mae Grŵp Colegau NPTC wedi creu ystod o gyfleoedd hyfforddi i gefnogi gweithwyr Tata a’r gadwyn gyflenwi. Bydd y rhain yn eich helpu os ydych chi’n penderfynu newid gyrfa, uwchsgilio neu fynnu sgiliau newydd.
Cychwyn eich busnes eich hun
Cymorth i unigolion
Busnes Cymru yw gwasanaeth cymorth busnes dwyieithog Llywodraeth Cymru, sy'n helpu microfusnesau a busnesau bach a chanolig yng Nghymru, gan gynnwys mentrau cymdeithasol, a darpar entrepreneuriaid o bob oedran i gael gafael ar yr wybodaeth, y cyngor a'r gefnogaeth sydd eu hangen arnynt i ddechrau eu busnesau a’u datblygu.
Gall Busnes Cymru ddarparu cymorth os ydych yn ystyried hunangyflogaeth neu ddechrau eu busnes eu hunain. Gall ein tîm cynghori Busnes ddarparu ystod o wybodaeth busnes a chyngor busnes drwy weithdai a chyfarfodydd un-i-un, i'ch helpu i adolygu eich syniadau a pharatoi cynlluniau busnes, yn ogystal â chael mynediad at gyllid busnes. I gael rhagor o wybodaeth, anfonwch e-bost at: selfemployment@businesswales.org neu ffoniwch dîm lleol Busnes Cymru ar: 01656 868500
Hyfforddiant a Ariennir gan Lywodraeth Cymru (Blaenau’r Cymoedd)
Dan nawdd Llywodraeth Cymru, mae cyrsiau rhad ac am ddim ar gael yn Hyfforddiant Blaenau’r Cymoedd.
Mae’r cyrsiau rhad ac am ddim yn cynnwys hyfforddiant i yrwyr HGV/LGV, hyfforddiant gyrru bws, hyfforddiant Nwyddau Peryglus ADR, hyfforddiant Llwytho Lorïau HIAB a sawl cwrs hyfforddi wagenni fforch godi a pheiriannau eraill.
Sgiliau digidol Computeraid yn y gwaith
Cwrs sgiliau digidol lefel uwch newydd wedi'i ariannu'n llawn ar gyfer pobl sy'n byw neu'n gweithio yng Nghastell-nedd Port Talbot i uwchsgilio, ailhyfforddi ac ennill cymwysterau.
ReAct +
Mae rhaglen ReAct + yn gallu darparu grant hyd at £1,500 ar gyfer hyfforddiant galwedigaethol a hyd at £200 i helpu gyda chostau sy'n gysylltiedig â hyfforddiant Mae hefyd cymorth ychwanegol ar gael ar gyfer costau gofal a gofal plant.
Cefnogaeth mewn awdurdodau lleol arall
- Cyngor Bwrdeistref Sirol Blaenau Gwent
- Cyngor Bwrdeistref Sirol Pen-y-bont ar Ogwr
- Cyngor Bwrdeistref Sirol Caerffili
- Cyngor Caerdydd
- Cyngor Sir Gaerfyrddin
- Cyngor Sir Ceredigion
- Cyngor Bwrdeistref Sirol Conwy
- Cyngor Sir Ddinbych
- Cyngor Sir y Fflint
- Cyngor Gwynedd
- Cyngor Sir Ynys Môn
- Cyngor Bwrdeistref Sirol Merthyr Tudful
- Cyngor Sir Fynwy
- Cyngor Castell-nedd Port Talbot
- Cyngor Dinas Casnewydd
- Cyngor Sir Penfro
- Cyngor Sir Powys
- Cyngor Bwrdeistref Sirol Rhondda Cynon Taf
- Cyngor Dinas a Sir Abertawe
- Cyngor Bwrdeistref Sirol Torfaen
- Cyngor Bro Morgannwg
- Cyngor Bwrdeistref Sirol Wrecsam
Cwrs Dysgu Peirianyddol
Nod y cwrs hwn yw helpu dysgwyr i ennill sgiliau mewn Dadansoddi Data Archwiliadol (EDA) a datblygu modelau dysgu peirianyddol heb fod angen gwybodaeth codio helaeth.
Meini prawf
Rhaid i chi
- bod yn 16 oed neu'n hŷn
- yn byw neu gweithio yng Nghastell-nedd Port Talbot
I gael y wybodaeth ddiweddaraf, cysylltwch â ni yn dtlsn.info@cardiffmet.ac.uk
Prosiect Switch on Skills
Mae'r prosiect Switch on Skills yn darparu cyrsiau hyfforddi ar-lein ac achrededig am ddim sydd â'r nod o gyflawni Sero-Net.
Gyda chyllid gan Gyngor Castell-nedd Port Talbot a Chronfa Ffyniant Cyffredin y DU, mae'r prosiect, mewn cydweithrediad â diwydiant a'r byd academaidd, yn darparu model hyblyg sy'n defnyddio datblygiadau mewn dysgu dan arweiniad ar-lein, addysgu personol a sesiynau ymarferol.
Gall cyfranogwyr gael mynediad at gyrsiau byr a defnyddio'r rhain i adeiladu cymwysterau neu ennill y sgiliau sydd eu hangen ar gyfer eu rôl, fel bod y gweithlu a'r busnesau presennol yn parhau i fod yn gystadleuol a bod cyflenwad o dalent yn dod drwodd gan ysgolion, Addysg Bellach (AB), a sefydliadau Addysg Uwch (AU).