Gwybodaeth cwnsela i bobl Ifanc

Beth yw cwnsela?

Weithiau gall bywyd fod yn anodd, a gall pobl sy'n tyfu i fyny fod dan bwysau. Gall cael rhywun y gallwch siarad ag e fod yn help – efallai ffrind, athro, eich rhieni, neu berthynas. Ar adegau, mae pawb yn teimlo'n bryderus neu'n cael problemau a allai fod yn anodd siarad amdanynt gyda'r bobl sy'n agos atoch chi. Efallai y byddwch yn poeni a fyddant yn deall, p'un a allwch ymddiried ynddynt, p'un a fyddant yn eich beio, neu'n anwybyddu eich teimladau. Dyna pryd y gallech feddwl am siarad â chwnselydd yr ysgol.

Sut mae cwnsela'n helpu?

Mae cwnsela'n darparu amser rheolaidd a lle diogel i chi siarad â chynghorydd am y problemau rhydych yn eu hwynebu ac archwilio teimladau y gallech chi fod yn cael trafferth â nhw. Gall cwnsela eich helpu i siarad am eich meddyliau a'ch teimladau gyda rhywun y gallwch ymddiried ynddynt. Ni fydd y cwnselydd yn dweud wrthych beth i'w wneud, nac yn eich barnu, ond bydd yn eich helpu i weithio allan beth sy'n iawn i chi yn eich sefyllfa.

Sut mae cwnsela'n gweithio?

Efallai mai gweld cwnselydd yw eich syniad chi, efallai y bydd eich rhieni neu athro yn ei awgrymu. Does dim rhaid i chi benderfynu ar unwaith. Gallwch gwrdd â'r cwnselydd yn gyntaf, i ofyn cwestiynau a chael gwybod mwy. Mae cwnsela'n wirfoddol – eich dewis chi ydyw, ac mae beth bynnag rhydych chi'n ei benderfynu yn iawn. Mae'n debygol y cewch gynnig apwyntiadau ar gyfer sesiynau rheolaidd am sawl wythnos mewn ystafell yn yr ysgol lle na fyddwch yn cael eich tarfu. Gallwch ddod i gwnsela heb i'ch rhieni gael gwybod, a gallwch drafod hyn gyda'r cwnselydd.

Pa fath o bethau y gallaf ddweud wrth y cwnselydd amdanynt?

Beth bynnag sydd ar eich meddwl, problemau, penderfyniadau, pryderon a newidiadau. Gallai fod yn llawer o bethau gwahanol:

gwneud ffrindiau a pherthnasoedd
rhieni'n gwahanu
colli eich tymer
mynd i drafferthion gartref, yn yr ysgol neu gyda'r heddlu
pryfocio a bwlio
colli rhywun sy'n agos atoch chi
teimladau cymysg
pryderon iechyd
arholiadau a gwaith cwrs.

Gall yr holl bethau hyn effeithio ar sut rydych chi'n teimlo a sut rydych chi'n ymddwyn. Mae siarad â chi am eich pryderon a'ch problemau yn ddechrau eich helpu i'w datrys.

Sut mae cwnselwyr yn wahanol?

Nid ydym yn beio nac yn eich barnu.
Nid ydym yn dweud wrthych beth i'w wneud.
Rydym yno i chi - beth bynnag yw'r broblem.
Rydym yn dda am wrando'n ofalus.
Gallwn eich gweld yn ystod amser ysgol.
Rydym yn eich helpu i ddatrys pethau mewn ffordd sy'n addas i chi.
Rydym yn deall sut mae eich ysgol yn gweithio a gallwn gael mwy o help a gwybodaeth i chi os bydd ei angen arnoch.
Gallwn rhoi’r amser a'r lle sydd eu hangen arnoch chi.
Rydym wedi cael digon o hyfforddiant ac ymarfer i'n helpu i wneud ein gwaith yn dda.

A wnaiff y Cynghorydd ddweud wrth unrhyw un am yr hyn a ddywedaf?

Nid ydym fel arfer yn dweud wrth bobl eraill am yr hyn yr ydych wedi sôn amdano yn y sesiynau cwnsela. Ond os ydym yn credu y gallech chi neu rhywun arall fod mewn perygl, efallai y bydd angen cael help gan eraill i'ch cadw'n ddiogel. Byddwn yn siarad â chi am hyn a gyda'n gilydd byddwn yn ceisio dod o hyd i'r peth gorau i'w wneud i chi.

Beth mae myfyrwyr eraill wedi'i ddweud am gwnsela?

"Roedd yn dda siarad â rhywun nad oeddwn eisoes yn ei adnabod."
“Mae wedi helpu llawer ... trafod fy mhroblemau yn lle eu cloi i ffwrdd.”
“Rwy'n hoffi'r person rwy'n awr yn fwy na'r un roeddwn i'n arfer bod."

Sut ydw i'n cael gwybod mwy i ofyn am gael gweld y Cynghorydd?

Os hoffech gael rhagor o wybodaeth neu os hoffech weld cwnselydd gallwch ofyn i unrhyw aelod o staff gael mynediad i'r ffurflen Gwneud Cais am Apwyntiad.